غزه تتكلم .........

غزة تتكلم عن نفسها

/
/

غزة تتحدث
يوما كانت طفله
كانت تتمنى أن تبقى طفله
وكانت تحلم تصير عروسة حلوة ..
مرت سنة وسنتين
كبرتِ يا نور العين
قالتها أمها فلسطين
ما أبهاك يا غزة
فرحت غزة بهذا الكلام
أمي قالت : إني صرت حلوة ومحلوه
أمي تحبني كثير
ودايم بعيونها أحلى ..
لو كبرت تبقين غزة الطفلة
غزة كانت تحب الحمام
كانت تطيرهم وترعاهم باهتمام
وتتمنى تحلق معاهم في سلام ..
مرة قالت يا أمي ليه يذبحون الحمام
والله يا أمي هذا ظلم هذا حرام
حزنت غزة وبكت ..
صارت تجري وتجري وما وقفت
سمعت فجأة صوت انفجار يدوي
خافت وركضت
وركضت وظلت تجري وتجري
أمي .. أمي من طخ الحمام
من قتل السلام ..
ليه يا أمي صار هالظلام ..
أمي اسمع صوت قادم .. هذا جندي ..
لكن هذا مو أبوي لا أخوي ولا هو جدي ..
غريبة جندي وخلفه جندي وجندي ..
شو بدهم مني ..
وليه يمسكون يدي ..
ليه يا أمي ما تدافعي عني .
علامك أمي ردي عليا ردي ..
أرجوك ردي .. ردي
تكفين يا أمي تكفين..
علامك تبكي
أمي من كسر فرعك ..
وقتل ولدك ..
من داس زيتونك..
وليه دمك يخونك ..
وأنت فيك دم العروبة ..
لا يا أمي هذا لا دمك ولا دمي
غزة غضبت وثارت ..
وبكل ألم دامي قالت ..
ليه كبر جرحي ..
وين ليلي وين صبحي
وليه كل يوم صار بقلبي الحزن يدمي ..
صمتت غزة وداخلها يحترق ويشكي ..
شو فيك يا غزة ليه ما عم تحكي
غزة بدك حمام.. لا ..ما بدي
بدك لعبة حلوة وصغيرة ..لا ما بدي
بدك أكل .. تعبانه .. مرضانه ..
لا .. لا.. لا.. لا.. ما بدي
غزة علامك شو فيك ..
ليه الدمعة ذابت في أحزانك
ليه البكا أصبح كلامك
وانت غزة حبيبة قلبي ووجدي
أمي .. أمي
قالت غزة وعيونها صارت دم ..
ليه يا أمي كل هذا الهم ..
بسألك لو قلت لك شو بدي
راح تعطيني شو ما بدي
قالت أنت غزة في عيوني ..
شو ما بدك قولي أنا بسمع وانت احكي
قالت غزة شفتي الندى لما يبلل الشجر
هذه أنا لما أحضنك يا أمي
بدي ما يموت أخي..
ولا ينسجن أبي
ولا يحتقر وينداس بالرمل رأس جدي ..
بدي إذا صحيت الفجر
اقبل راسك وانثر على وجهك زهري ووردِ ..
بدي عروس ما تنكسر
ولا تنداس بأقدام الجندي
بدي كل غصن زيتون ما ينكسر
وكل حمامة بيضا ترفرف وتغني بكل فخر
بدي يكون لنا بيت يضمنا طول العمر
ونام فيه بروحنا ونسهر للفجر
ونضحك ونركض بحوشنا بلا ضجر
وما نسمع صوت القنابل من الفجر تدوي
بدي يا أمي تراب يوم موتي يلفني
أخاف يا يمه لو مت ما حصل تراب بلدي
يا أمي وطن بدي
وطن حر ما فيه مغتصب ولا جندي
بدي يا يمه ما تغتصب ارضي
ولا ينحني ولا يغتصب جسدي
وشو بدك بعد يا غزة
بدي .. وبدي .. وبدي ..
ليه تبكي يا أمي ..
ليه يا أمي تبكي ..
ما أنت حكيتِ وقلتي يا غزة شو بدك ..
ابكي لأنك مثل ما أنت بدك..
أنا أمك فلسطين ..
وقبل من عام الخمسين ..
كان بدي .. وبدي ..
وليومك أنا أنتظر ..
مثل ما أنتِ تنتظري ..
وانتظرت ..
واليوم أنتِ مثلي ..
وليومكم غزة مع وأمها
وما زالت تحكي ..
وتحكي .. وتبكي ..!!

منقول

يا حبيبتي يا غزة يا ترى هل نرى رفع حصارك قريبا
يا هل ترى نراك وقد اتزينت بعرس جديد اه يا حبيبتي

مشكور اخي احمد الله يرفع الحصار عن الحبيبه غزة قريبا غير بعيد
ويارب الله يرزقني عودة قريبه لها ياااااااااااااااااااااااااارب

اللهم أمين

شكراً على مروك الطيب أخت قمر

الله يفرج عن اهل غزة و يفك الحصار عن قريب

شكرا لك يا احمد

اللهم آمين

شكراً على مرورك أخي المهندس

الله يفرج عنهم .. و يجعل لنا يد في ذلك ..

شكرا ً لك أخي أحمد ..

اللهم آمين

شكراً على مرورك أخي

كلام بقشعر البدن وبتسبقو دموع على وضع غزه
اللهم انت القادر على كل شيء
ففك قيدهم وفرج كربهم وانصرهم على اعدائهم

شكرا كتير لموضوع الرائع اخي

اللهم آمين

شكراً على المرور والتعليق أخت نبض

» $%^فكر قبل أن تتكلم$^&
» الصورة تتكلم.......
» بعد مرور 5 اعوام علي رحيل الاب الحنون "ياسر عرفات " فلنترك الصورة تتكلم