فصل الربيع بعيون الفلاح الفلسطيني

غني يا زهر الدحنون
وارقص يا خبز الطابون
طاح الشومر والزعتر
وودعنا سقعة كانون

فرحت عنزة جارتنا
لبست لاخضر قريتنا
من الخبيزة مونتنا
والبزيلا ام قرون

الفلاح اللي مكيِّف
مع انه الجو مصيِّف
بدو شهرين ونيِّف
وهو يوكل بقلة بليمون

من الصبح بدري يقوم
يحضَّر لقنابة لكروم ( قنابة : تقليم)
بحمل ع ظهره القدُّوم
ويكشكش نتش وطيون ( يكشكش : يزيل )

بتطربني هالعصافير
تغرد قبل الشمس تنير
ع التوتة تهدِّي وتطير
بلبل قبَّر وحسون

والا مقيقات الشنار
في نيسان وفي آذار
والمداحي بالقنطار ( المداحي : الاعشاش)
باضت هون وقاقت هون

وان عْطِشِت في ميِّة
ميِّة مُكُر شتويِّة ( مُكُر : حفرة في الصخر تتجمع فيها مياه الأمطار )
وريحة الميرمية
اطيب ريحة بكل الكون

حضر لزراعة الصيف
خلي تراب الأرض خفيف
الكوسا والفكُّوس نظيف ( الفقّوس : قثاء يشبه الخيار)
وشمِّر رجل البنطلون

شو بدِّي احكي تاحكي
قريتنا خير وبرَكِة
الله يديملنا الضحكة
بارض الزعتر والزيتون

بس إحكولي كيف
1002

يسلمووو اخي ا لأقصى الحزين
عالطرح المميز والله يعطيك العافيه

الله يعافيك أخي مؤمن

نورت بمرورك

كتير حلوة
يسلمووو

كثير حلوه عنجد بتحكي حكي بلادنا والواقع
الله يجزيك الخير واكثر شي عجبني طبعا كلها حلوه بس هذا طبعا :

فرحت عنزة جارتنا
لبست لاخضر قريتنا
من الخبيزة مونتنا
والبزيلا ام قرون

مرورك الأحلى أخت يافا

عجبتك اخت قمر ؟؟؟ وأنا كمان عجبتني كثير 1002

يسلمو هالديات احمد
ما في احلا من حكيي الفلسطينيه

كتير حبيتها

يعطيك العافيه

لا تحرمنا جديدك المميز

نورتِ بطلتك أخت نبض

أكيد ما في أحلى من حكي الفلسطينيه

يسلمو ايديك أخي
عنجد كتير حلوة
.
.
.
تحياتي

حلو اخي
يكتر خيرك تقبل مروري

جميلة و حلوة و و و و و كل شي ..

شكرا ً إلك يا الأقصى الحزين ..

شكراً لكم جميعاً

أسعدني مروركم