لا تقف متفرجا .......... طرق دعوية متنوعة ...

السلام عليكم

موضوعي اليوم شي كتير بسيط

او يمكن يذكركم بواجب مفروض عليكم جميعا

كل اللي بدي اياه تفاعل منكم
شي بسيط
ما طلبت كتير

هون راح نجمع طرق للدعوة
فردية
او حتى عن طريق المؤسسات او الاسر في المساجد

شو بتخطر ع بالك طريقة دعوية ... تخدم الدعوة الى الله
جربتها او ما جربتها


اتمنى التفااااااااااااااااااااااااااااااااااااااااعل

دمتم بود

الموعظة الحسنه طبعا اهم شيء

ان شاء الله لي عوده

يا عمي ع التفاعل

والله بتنحسدو يا اعضاء منتدانا
لا تحكو للمنتديات التانية

شو القصة المشاهدات 10 و رد واحد بس

والله فيك الخير مهندسنا

طيب راح ابدأ هلأ بشوية طرق
ان شاء الله نستفيد
01 فيه عنا خدمة اسلام ويب ... 7 رسائل مجانية في الشهر
نحن خلال اسرة في مسجد ممكن تكون مكونة من 7 اشخاص
يعني 49 رسالة ...........
ليش ما تستخدم لغرض دعوي فينا نبعت رسائل لاشخاص نحن بنختارهم
فيها موعظة
((( وهالطريقة مجربة .... وبتنجح)))

02 هاي بدها ميزانية بسيطة ....... بدنا نشتري مجلات اسلامية ... مواعظ وغيرو
طبعا لا تخلو من زاوية الترفيه حتى ما نكون جامدين .... يعني مثلا عنا في غزة مجلة السعادة
وغيرها كتير ...... بنشتري عدد ... وعدد من كتيبات الاذكار ... وبنوزعهم
البنات على محلات الكوافير ... والشباب على صالونات الحلاقة
وعلى اصحاب المحال التجارية ...
او اي مكان حولكم بيكون فيه تجمع ناس فيه انتظار ... يعني عيادة دكتور مثلا


03 كلكم بتعرفو الظروف اللي بتكون ملونة وشي حلو كتير ....
وبورقة ملونة نكتب عليها موعظة مع وردة .... نهديها لشخص معين
ممكن تكون مع شريط ..... طبعا لازم تنتبهو انو ما تكون طريقة الاهداء بشكل يتحسس
منه الشخص اللي انت راح تهديه
يعني ممكن يحس انك بتحكيله انت انسان مش ملتزم ومش منيح ولازمك هداية
هالشعور ممكن ينفره .......وساعتها مهما سمع اشرطة ومهما قرا مواعظ ع الفاضي
خليها كهدية من صديق لصديق .. وما فيها شي لو حاولت تسمع معه .. او حتى تحكيله
انو هالشريط ممتاز وانا شخصيا استفدت منه
وحاول دائما تذكره بالاية ( يا ايها النبي اتق الله )
مع انه نبي فالله يؤمره بالتقوى

هاي شوية طرق .... ما راح اكمل وراح اتركلكم المجال
لتقترحو طرق
اتمنى تكون الصورة وضحت
اخي المهندس حلو فكرة الموعظة
بس انا كان قصدي كيف نوصل الموعظة للاشخاص اللي بدنا اياهم

ويا ريت الاقي تفاعل اكتر من هيك

دمتم بود
بنت حماس

ما شاء الله عليكي اختي بنت حماس انا ان شاء الله معك على طول في هالموضوع و ان شاء الله بيصير تفاعل اعذريهم يمكن عليهم مشاغل

والله مهندسنا اعذار اعضاء هالمنتدى كترت

بجد المنتدى بدو تنشيط

احترنا طيب فيه مشاهدات

ما حدا كلف نفسه برد

على العموم باتمنى تفاعل اكتر من هيك بالموضوع

لانه بجد هادا شيء مهم بحياتنا
ولا تنسو انو واااااااااااجب عليكم يا جماعة
ما بدنا نحكي وبس
بدنا تطبيق للطرق بقدر المستطاع

خيو فارس
هالطريقة فعلا مجربة وناجحة جدا وبجد شي ممتاز

وانا راح اضل على تواصل مع هالموضوع

لا تقلق

وبدنا تفاعل اكتر

وياريت اذا فيه امكانية مهندسنا تغيير عنوان الموضوع الى
لا تقف متفرجا .......... طرق دعوية متنوعة ...

وتثبيته

تم تغيير العنوان و تثبيت الموضوع و نحن بالخدمه دائما

يعني بصراحة اكتر من هيك صار صعب

......................
بس على العموم مش راح اياس

..............

طريقة دعوية
نطبقها في مكان الكل يحظر علينا دخوله
ونقول شيء خاطئ وتافه

الشات

الكل اكيد بيعرف الشات

والشيء المؤلم انو الشات مكان نكتشف فيه فراغ شباب هذه الامة

يعني من تجربة شخصية المرة الوحيدة اللي دخلت فيها الشات طبعها بعد اصرار احدى الفتيات
والله يا جماعة ما فهمت كلمتين على بعض
ناس بدها تحكي وخلص

مش المهم الموضوع او الترابط

واحد بيحكي في الشرق والتاني بيحكي في الغرب

وطبعا نقيس على ذلك غرف البالتوك ايضا لانها نفس القضية

المهم نفس الفتاة بعد فترة باحكي معها ع التلفون
وباحكيلها شو بتعملي
بتحكيلي ع الشات
حكتلها ما بدك تبطلي هالكلام الفاضي

وحينها كانت المفاجأة

الشات الاول مش هو الشات هلأ
نفس الموقع
ولكن اختلفت العبارات
ومواضيع النقاش
نعم اصبح هناك مواضيع واضحة للنقاش

طيب يعني شو صاااااااااااااااااااااااار

اللي صار شي كتير بسيط وما بيكلف بس حلو كتير

شاب فات للشات وبدا يتعرف على كل الاعضاء
حببهم فيه بزوقه واخلاقه

طبعا ما بدا من البداية ينص قال الله وقال الرسول (صلى الله عليه وسلم )

لانو زي ما حكيت قبل
هيك شباب ما بيتقبلو الحكي على طول

شوي شوي بدا الشاب يدخل في الاسلام وتعاليمه

وبعد فترة اعضاء الشات صارو ياخدو دروس مواعظ دينية بدون ما ينتبهو
وصار الكل يدخل في موعد دخول هذا الشاب

ويسالو ويستفسرو

وطبعا بكلامه العذب كان الناصح لهم


طبعا الفكرة صارت واضحة

واتمنى من الجميع ليش ما نستفيد من هالتجمعات
مش راح تتعب وانت في بيتك
بتقدر تهدي ناس كتير غافلة
ناس ما بتعرف الاسلام اصلا
ناس ما بتعرف انو اللي بتسويه حرام........ بالنسبة الها شي كتير عادي

اذا كنت صاحب اسلوب عذب في الكلام

واذا كنت بتقدر تجذب الناس بحديثك

وبتقدر توصل فكرة الاسلام صح بكلمات عذبة

لا تتاخر

غرف الشات والبالتوك مفتوحة

وملايين الشباب والفتيات بيستنوك لتاخد ثواب هدايتهم على ايدك



(((((((((( يا جماااااااااااااااااااااااااااااااعة )))))))))))))))

لئن يهدي الله بك رجلا واحدا خير لك من الدنيا وما فيها
وفي رواية خير لك من حمر النعم
وفي رواية خير لك مما طلعت عليه الشمس

بارك الله فيكي اختي بس و الله عني ما لي على الشات كثير لكن ان شاء الله نحاول في طرق اخرى

ربنا يجزيكم الخير

ان شاء الله نعمل اللي نقدر عليه

شكرا اختى هالموضوع كتيرا حلو انشا الله نعمل به